英超球会列斯联周三(6日)宣告，球队成功由RB莱比锡签入美国中场泰拿阿当斯，据报转会费达2,000万镑，呢位23岁中场同列斯联领队马殊联系极佳，今次系两人第3度合作，马殊去边佢就跟到去边！

列斯联将加云菲腊斯卖畀曼城後，马殊即刻确定爱将泰拿阿当斯作替补，列斯联亦闪电同RB莱比锡达成协议，泰拿阿当斯周三完成体测後签约5年，佢喺交际网表示：「好开心可以成为列斯联呢个大家庭一员，我保证会尽全力去为球队争夺好成绩。」

今次系泰拿阿当斯同马殊第3度合约，佢16岁嗰阵第1次为纽约红牛上阵，就系马殊畀佢嘅处子战，2019年马殊又将佢带去RB莱比锡，今季喺列斯联再求重逢，马殊对佢嘅欣赏不庸怀疑。