39岁老将丹尼尔早前约满离开巴塞隆拿，但呢位巴西後衞并未打算退役，已经同意接受普马斯邀请，将会加盟呢支墨西哥球队。普马斯将於香港时间8月8日凌晨作客同巴塞隆拿踢「甘柏盃」，意味丹尼尔到时有机会上阵倒戈。

丹尼尔上年11月重返巴塞，协助当时刚上任嘅教练兼前队友沙维，重建球队，呢位右闸上阵17次入1球。随住巴塞已重回正轨，加上已签入多位猛将，丹尼尔亦功成身退。

虽然丹尼尔已接近退役年龄，但仍然获得普马斯垂青，邀请佢加盟，双方已经倾掂合约条件，只欠最後签字，普马斯亦透过官方社交网，公布丹尼尔即将来投。

值得一提，巴塞隆拿每年一度季前热身赛「甘柏盃」将於香港时间8月8日凌晨举行，对手正系普马斯，届时丹尼尔可以喺鲁营球场正式同巴塞球迷告别。