盛传巴黎圣日耳门(PSG)计划出售球星尼马，但呢位30岁巴西国脚开腔讲明唔会离队，并准备效力至2027年约满，先至走人。

PSG喺周六(23日)晚热身赛大胜浦和红钻3比0之後，教练加迪亚被问到尼马前途问题，呢位新帅话：「开操以来，尼马一直好努力训练，身体状态非常好，对於佢转会新闻，日日都唔同，我哋仲未单独倾呢个问题，但我认为唔会影响佢表现。」

尼马随即表明留队：「我想留喺巴黎，我并唔清楚球会嘅想法，因为佢哋冇同我倾过，总之我仲有几年合约在身。」

尼马亦对上季经常遭受球迷批评，作出回应：「我冇需要向任何人作出证明，有啲人太得闲，锺意批评其他人，我知自己系咩人，识得点样踢波，我好喜欢踢波，亦好开心。」PSG下仗热身赛将於周一(25日)晚对大阪飞脚。