C朗拿度以「家庭理由」向曼联请假超过3星期，据报佢已重返曼彻斯特，不过葡萄牙《晨邮报》爆料，C朗女友乔治娜近日为几名仔女办理入读里斯本嘅学校，令士砵亭球迷再次燃起C朗将回归母会嘅希望。

据《晨邮报》费古列度爆料，近1个月都留喺里斯本屋企嘅C朗，已为仔女注册入读当地学校，如果消息属实将系C朗未来去向一大暗示，事关C朗仔女之前都系喺曼彻斯特读书，突然转学校似系离队暗示。

一直有传C朗会考虑重返母会士砵亭，今次「转学校」消息就令士砵亭球迷非常兴奋，早前有传媒影到C朗揸车进入士砵亭总部，被指系倾谈转会，但C朗即时留言「假新闻」作澄清。士砵亭新球季将会征战欧联，但如果C朗真系回归，将要接受大幅减薪。