英超球会爱华顿周四(28日)宣布，成功签入般尼翼锋杜韦麦尼尔，据报转会费达2,000万镑，呢位22岁好波之人同签约5年，新球季将会同前般尼队友达高斯基喺爱华顿继续合作。

爱华顿早前卖走李察利臣後，领队林柏特即呼吁球会「科水」买人，佢哋原本想买般尼另一翼锋哥尼特，但因为个人条件倾唔掂而告吹，结果周四成功签入杜韦麦尼尔。杜韦麦尼尔表示：「一听到爱华顿想签我，我就已经立定决心，喺林柏特领导之下，我觉得我会有好大进步。」

杜韦麦尼尔为般尼踢过137场英超赛事，合共射入7球，爱华顿早前已经免费签入般尼中坚达哥斯基，两人都系般尼近年喺英超嘅重心球员，对爱华顿会有好大帮助。