车路士前队长泰利於2017年英超夺冠後离队，佢使用嘅26号球衣亦告悬空，喺新球季，车路士26号终於有继承者，就系由拿玻里加盟嘅中坚高列巴尼。

31岁嘅塞内加尔中坚高列巴尼，落实加盟车路士後选择球衣号码，佢希望使用传奇队长泰利使用过嘅26号，为此佢仲致电泰利以示尊重。

佢打畀泰利表示：「请原谅我英语麻麻，我会尽量讲，我想问你，我喺拿玻里一直穿26号，你离队後车路士就冇人着26号，系咪你唔想再有人着？因为我嚟到车路士，想用26号。」佢仲将致电影片上传社交网。

泰利爽快答应：「26号对我嚟讲系一个非常特别嘅号码，多谢你打畀我，我好开心你使用呢个号码，绝对冇问题，祝你一切顺利。」其後泰利喺社交网回应高列巴尼要求，写上「伙伴，祝好运」。