西班牙《阿斯报》着名记者塞恩斯爆料，指曼联球星C朗希望喺8月7日曼联出战今季首场英超之前转会，时间非常紧迫，加上呢位37岁葡萄牙国脚刚复操冇几耐，状态仍然不足，就算留队，预料领队坦哈格都唔会派佢踢8月7日曼联主场对白礼顿。

由於塞恩斯同C朗系老友，佢爆出嘅猛料应该几坚，但由於多间大球会已经表现唔会签入C朗，令佢喺8月7日之前「脱魔」嘅可能性愈来愈低。

以目前情况睇，如果C朗坚持离开曼联，最大机会签入佢嘅球队得番士砵亭同拿玻里，两队都有份参加今届欧联，应该满足到C朗要求，其中拿玻里希望签入C朗，主因系想为球会再塑造一位类似马纳当拿嘅英雄人物。