英格兰门将甸恩轩达臣今夏由曼联外借诺定咸森林後，日前罕有公开炮轰「红魔鬼」糟蹋佢足球生涯，批评球会违反提升佢做正选嘅承诺，仲自爆拒绝同新帅坦哈格见面，甚至唔想畀佢睇到自己练波，只为尽快离开曼联。

今季被外借森林嘅甸恩轩达臣表示：「曼联上年答应我，话我欧国盃之後就会成为球会1号门将，因为呢个承诺我拒绝咗好多好吸引嘅借用要求，但结果冇人跟进呢个承诺，喺我呢个年纪，浪费12个月时间做後备系一件罪行，我真系非常愤怒。」

25岁嘅甸恩轩达臣为免再「受骗」，佢自爆拒绝同新帅坦哈格见面：「我唔想同新领队(坦哈格)对话，甚至唔想畀佢睇到我练波，因为我知道佢可能会想留我喺度，我同高层讲我要离队，唔会接受再坐冷板，所以喺新领队嚟到之前，我已经差唔多落实离队。」