曼联决定将左後衞阿历士迪尼斯出售畀西维尔之後，准备签入1位右後衞，英国《太阳报》指红魔鬼已经联络巴塞隆拿，提出收购对方右闸达斯，估计转会费为1,700万镑。

曼联之所以睇中达斯，好大程度上由於佢系领队坦哈格嘅「门生」，呢位21岁美国国脚出身於阿积士青年军，技术全面，可以胜任左右二闸，曾经系坦哈格麾下球员，佢喺2019/20年球季为阿积士入2球及6次助攻，深得坦哈格欢心，其後被巴塞收购。

不过，达斯转投巴塞隆拿之後，并不受重用，教练沙维更加打算今夏出售佢，既然曼联有意接货，好可能成交。