今季由拜仁慕尼黑加盟巴塞隆拿嘅波兰射手罗拔利云度夫斯基，不幸遇上打劫，遭2名贼人抢走手上价值7.5万欧元嘅名表，呢位即将34岁嘅前锋曾经落车追贼，但唔成功，幸好西班牙警方已经帮佢搵番只名表。

据悉「罗拔佬」当时喺巴塞隆拿训练基地门口，停车为球迷签名，突然有2名男人打开佢嘅车门，抢走佢手上嘅名表，立即逃跑，「罗拔佬」不忿被打劫，落车追贼，但都系被贼人走甩。

西班牙警方介入调查之後，已经搵番只表，原来贼人抢劫之後，将只表埋藏喺一棵树下面。「罗拔佬」人冇事，财物亦失而复得，都算系不幸之中嘅大幸。