车路士周日(21日)英超作客吞列斯联3蛋，新加盟嘅贵价中坚高列巴尼食红牌，门将艾度亚文迪又「派胶」，统计显示杜曹执教车路士60场联赛，但最近30场球队失球数字暴增1倍，睇嚟防守已经成为车路士嘅死穴。

杜曹上年1月执教车路士後，3中坚踢法打造铜墙铁壁，头30场联赛只系失过17球，不过随住球队战术被洞悉，失球数字不断上升，今夏更有中坚鲁迪格、安达斯基斯坦臣离队，近2场联赛失5球，近30场联赛共失34球，啱啱系头30场失球嘅2倍。

杜曹赛後拒绝承认列斯联好过车路士：「车路士系输自己，失球都系自己犯错，我睇唔到同列斯联踢法有直接关系。」杜曹仲「赖」埋赛前搭唔到飞机影响球员：「所以可以出错嘅地方都出错，由赛前已经系，航班突然取消，令我哋要改搭巴士嚟作客，坐巴士嚟系一段好漫长嘅旅途。」