曾经被指潜力优厚嘅英格兰中场迪利阿里事业每况愈下，依家连喺英超都无法立足，被爱华顿外借去土耳其球队比锡达斯1季。

呢位26岁进攻中场已经抵达土耳其，接受体测，并获得比锡达斯球迷欢迎，如无意外双方就会签约。合约之中有买断条款，如果迪利阿里表现符合要求，比锡达斯有权明夏正式收购佢。

迪利阿里今年1月离开效力咗6季半嘅热刺，转投爱华顿，但至今只为「拖肥糖」喺正式赛事上阵13次，仅有1次踢正选，冇入波亦冇助攻，结果迅速被爱华顿踢走。