当年二师兄一句对白「点解我咁靓仔，但系要甩头发」道尽男人之苦，事隔咁多年终於有救喇！C朗开办嘅植发生意愈做愈大，成为脱发救星，有报道指前祖云达斯队友比真历都系佢客仔，对比前後照片，比真历头发果然浓密咗，掂呀！

比真历由祖记过档巴塞隆拿，最近去咗帮衬C朗嘅植发中心，该中心官方IG展示比真历植发前後对比照片，比真历话：「好开心嚟呢度，我相信呢间中心，C朗嘅植发中心。」C朗亦喺贴文中回复比真历：「兄弟，你好好呀，好靓仔。」

C朗嘅植发生意喺3年前创办，好多葡萄牙国家队队友都系佢客仔，最近比真历都去帮衬，报道指，C朗嘅植发中心不断扩充，由1间变2间，2间变4间，依家已经开咗超过10间，总收入已超过1亿欧元。