曼联计划签入1位门将，提升队内正选门将位置嘅竞争，令现时1号门将迪基亚产生危机感，改善比赛表现。

原本提出以900万欧元收购法兰克福门将奇云查普，但已经被对方拒绝，红魔鬼转移目标，斟介纽卡素後备门将杜巴夫卡，呢位33岁斯洛伐克国脚已同意成「魔」，只等纽卡素放人。

据悉曼联希望以先借後买方式签入杜巴夫卡，如果佢表现符合要求，会方明夏以500万镑买断佢。不过，纽卡素希望今夏直接出售杜巴夫卡，成为交易最大分歧。

杜巴夫卡上季为纽卡素上阵27次、失36球，有8次保持清白之身，佢仲有3年合约在身。纽卡素今夏签入尼克普比之後，杜巴夫卡今季仲未上阵过，佢已要求会方放人，批准佢转投曼联。