车路士系今晚周中快车唯一上阵嘅Big 6球队，佢哋将会作客修咸顿。车仔领队杜曹及中坚高列巴尼复出，虽然干拿加历查要停赛，但无损整体实力，加上佢哋对「圣人」特别易搵到缺口，近5次交手4次半场领先，半场客胜谂得过。（Now 622周三凌晨2时45分直播）

车路士上场主场斗李斯特城，於杜曹及高列巴尼缺阵下，更有干拿加历查早段两黄一红被赶离，仍然凭史达宁梅开二度，助球队以2比1赢波，经过2场不胜後成功反弹，今场快车乘胜追击，誓要全取3分。

车仔同修咸顿战术，可谓南辕北辙，车仔主帅杜曹嘅传控战术，对住修咸顿领队夏辛侯迪大开大合嘅踢法，可谓格食格，修咸顿嘅中後场提供大量空位畀车路士组织攻势，近年对赛都好容易搵到缺口，近5次交手有4次车仔先入波，而且全部都系上半场已经入波。

修咸顿啱啱喺主场不敌曼联0比1，今季4场联赛场场有失波，已经失咗8球，後防唔掂，容易被对手入波，相信今场面对要积极抢分嘅车仔，又会再次好快失波，半场客胜值得一试。