随着曼联在英超2连胜，C朗不但沦为大後备，更被爆出遭队友排挤，大部份球员视佢为眼中钉，希望佢尽快离队。

英国《ESPN》报道，自传出C朗离队消息後，曼联球员都喺度庆祝。报道指，此事早在7月已发生，当时有球员认C朗影响到大家，系更衣室嘅分裂分子，破坏团结嘅元凶。

後来C朗因家庭原因未有随队到远东集训，球队回国後对华历简奴嘅热身赛，C朗又提早离场，佢同队友嘅关系已经冇法修复，仲激嬲埋新帅坦哈格。

不过C朗自己唔系咁谂，佢上季入咗24球，系球队年度最佳球员，认为自己已经做到足，球队成绩差，痛失欧联资格，主要因为队友质素低劣，球会增兵又欠积极，令佢非常不满。