利物浦喺欧联主场以2比1击败阿积士，穆罕默德沙拿表现回勇，唔止打破个人7场欧联入球荒，并以15个入球，超越名宿谢拉特，成为红军史上欧联主场最多入波嘅球员。

穆罕默德沙拿今季表现一度低沉，之前连续4场比赛食白果，今场终於入波，总算可以为呢位埃及国脚减压。呢个入波对沙拿而言意义重大，因为佢正式超越入14球嘅谢拉特，成为红军欧联主场射手王。

撇除外围赛入波，沙拿喺欧联正赛累积入37球，非洲球员历史上仅次於有44球进帐嘅杜奥巴，现年30岁嘅沙拿要打破杜奥巴嘅纪录，并唔困难。