车路士班主保利近期人气高企，入主後即刻踢走晒主席、总监等高层，自己做埋总监花2.5亿镑夏天买人，不过佢对足球嘅认识有几深就令人怀疑，继被爆出排错4-4-3嘅12人阵容後，周三(14日)喺美国举行记者会再次语出惊人，竟将穆罕默德沙拿同奇云迪布尼当成车仔青训产品！

保利喺记者会入面解释佢嘅车路士大计，期间提到球会青训系统非常成功：「车路士有世上最好嘅女子队、有世上最好嘅青训系统，我哋青训出产咗穆罕默德沙拿、奇云迪布尼」谭美阿巴谦、列斯占士、美臣蒙特同杜利奥查洛巴。」

呢番言论引嚟球迷热议，事关穆罕默德沙拿同奇云迪布尼其实从未喺车仔青训出现，佢哋加盟嗰阵分别系21岁同20岁，两人转会费合共约1,800万镑。唔少网民留言寸爆：「美国人对足球咁唔熟悉，又肯花钱买球会，但又唔做下功课先，真系难以置信！」