德国天才球星马高列奥斯，周六(17日)德甲再度受伤，喊住被担架床抬离球场，足踝伤势睇落唔轻，赶及出战11月举行嘅世界盃决赛周令人怀疑，呢位悲情球星好可能再一次经历缺席国际大赛嘅心痛。

多蒙特主场1比0赢史浩克04一仗，马高列奥斯喺32分钟被对手飞铲後，右脚足踝严重拗柴，最後要由担架床抬走，马高列奥斯亦表现得非常伤心，喊住离开。多蒙特教练泰鍚赛後表示：「睇落系韧带受伤，但系希望佢唔使抖好长嘅时间。」马高列奥斯赛後亦喺IG发文：「多谢大家关心，我会尽快返嚟，我唔会放弃！」

33岁嘅马高列奥斯天才横溢，不过就冇乜大赛命，虽然2012年有份入选欧国盃，2014年世盃佢喺决赛周前热身受伤而冇份参加，2016年欧国盃又因鼠蹊伤患缺席，2018年世盃佢终於再次国际大赛，但德国表现极差分组赛出局。上年欧国盃佢又因为休息而缺席，今季佢状态极佳，协助多蒙特排德甲榜首，但今次受伤随时断送佢最後一次出战世盃嘅机会。