阿根廷传媒报道，西维尔喺周四(6日)凌晨欧联主场对多蒙特，将会系教练卢比迪古嘅告别战，因为西维尔已经同森柏奥利达成协议，将会喺今场欧联後落实。卢比迪古亦唔愁冇班落，消息指狼队将会向佢开出合约。

西维尔今季成绩差劲，西甲头7轮只系赢过1场，卷入护级漩涡，球会总监蒙奇早就想更换教练，近日终於同阿根廷名帅森柏奥利倾掂数，不过为免影响对多蒙特嘅备战，将会畀卢比迪古教埋今场。

56岁嘅卢比迪古执教西维尔3年，2020年赢得欧霸盃冠军，夺冠过程中曾喺8强击败狼队，呢支英超球队早前炒般卢拿治後，已将卢比迪古列为新帅目标之一，今次佢畀西维尔炒鱿，狼队就可以冷手执个热煎堆。