曼城前锋艾宁夏兰特今季各项赛事已经有20球进帐，佢喺最近一部个人纪录片中透露，自己每日吸收6000卡路里热量，主要食物系动物心脏同肝脏。

艾宁夏兰特话：「好多人唔食动物内脏，但我关心自己嘅身体，要呵护佢，我认为可以食当地优质食物非常重要，有人话肉类唔好，但系乜嘢肉类呢？麦当劳嘅肉？定系食草嘅牛肉呢？而我只食心脏同肝脏。」

据悉动物心脏同肝脏含有丰富维生素B、铁、磷、铜及镁元素。另外，早前有报道指艾宁夏兰特比赛前会食爸爸整嘅意大利千层面，食完就入波，万试万灵。