今晚欧霸盃E组，曼联主场迎战奥摩尼亚，塞浦路斯球队奥摩尼亚上轮同「红魔鬼」交锋，竟然可以先开纪录，最终仅负2比3，可见佢哋遇上豪门绝不怯场，今仗同样放开怀抱享受足球。曼联球星C朗回勇力争继续数胡，预料两军会迅速入局斗攻，可博中位数1.5球嘅半场大。

（Now 643周五凌晨3时直播）

曼联目前喺分组赛3战取得2胜1负，落後榜首皇家苏斯达3分，为夺取小组首名直接出线16强资格，嚟紧都冇失分空间，今仗主场出击遇上同组最弱嘅奥摩尼亚，3分当然志在必得。

「红魔鬼」近期最利好消息系C朗状态有明显改善，上仗英超对爱华顿，呢位37岁老将後备上阵使出招牌快速盘球突破，射入致胜一球，亦系佢今季英超首个入球，证明自己仍然有心有力，重拾射手信心，估计主帅坦哈格今仗会畀C朗担正，以呢位葡萄牙球星嘅好胜性格，势必力争数胡。

奥摩尼亚3场分组赛都输波，实力明显未够班，但另一角度睇，球员冇乜心理包袱，踢得非常放，上轮即使输波，都可以攻入曼联两球，已经赢尽掌声，今仗难得去到「梦剧场」奥脱福作战，一众球员必定希望取得入球，留下美好回忆，可以预期一开波就会同「红魔鬼」斗攻。睇番数据曼联近4场比赛，有3次上半场总入球达2球或以上，半场大属稳阵之选。