马德里体育会周四(13日)凌晨欧联赛事，主场只能够同布鲁日踢成0比0平手，出线机会大打折扣，比赛期间更发生不愉快场面，葡萄牙前锋祖奥菲历斯不满多次热身後未获派上阵，公然怒掟「龟背」泄忿！祖奥菲历斯近期进入教练施蒙尼冷宫，传闻佢打算1月就转会。

马体会喺欧联B组只排第3位，主场对布鲁日急需3分救亡，当比赛一直僵持，施蒙尼下半场亦尽遣攻击球员入场，不过喺79分钟，施蒙尼将最後一个换人名额用喺韦素入替基沙文後，热身咗一大段时间嘅祖奥菲历斯即刻大发脾气，将龟背掟落地後嬲爆爆咁坐返後备席。

祖奥菲历斯近4场赛事只系踢咗29分钟，赛前施蒙尼被问到祖奥菲历斯系咪有乜改变，呢位教头就话：「佢冇变，只系其他球员比佢踢得更好。」据葡萄牙传媒消息，祖奥菲历斯明白施蒙尼下季都会继续带队，所以佢亦准备提出转会要求，有机会嘅话明年1月就可以走人。