C朗上仗擅自离场，被球会罚内部停赛之後，盛传佢嘅红魔鬼生涯已经结束，唔会再上阵。不过，曼联领队坦哈格作出否认，指呢位37岁前锋好快会回归，并且今季仍然会留队。

坦哈格话：「C朗将会缺阵对车路士，但佢仲系球队重要一部份，今季余下赛事，我仍然用得着C朗，至於佢会唔会下周一(24日)归队，我哋会再倾，但一定唔会等太耐归队。」

C朗被罚只能独自操练，但佢仍然保持专业精神，交足功课，并喺社交网上载操练後做恢复体力程序嘅相片。