周五(4日)凌晨欧协联分组赛完结，B组韦斯咸作客3比0大胜布加勒斯特星队，小组6战全胜首名出线，成为欧协联史上第1支分组赛全胜球队，有力争逐冠军宝座。

韦斯咸一早已笃定出线，领队莫耶斯今场亦派出大量後备，包括16岁嘅史卡利斯同18岁嘅梅巴马都正选上阵，但韦斯咸今场仍然能够控制战局，凭柏保路科奴斯梅开二度，加上对手摆乌龙大胜3比0。虽然欧协联上届先至系第1届，但韦斯咸就成为第1支分组赛全胜球队。

韦斯咸领队莫耶斯赛後表示：「我谂唔系好多球队可以做到(6战全胜)，因为真系唔容易。喺欧洲赛杀入16强系值得骄傲，我哋上届喺欧洲赛都有好成绩，希望明年3月可以继续过关！」今届欧霸盃强队唔多，意甲双雄拉素、费伦天拿同西甲嘅维拉利尔系韦斯咸争霸主要对手。

●欧协联出线名单

小组首名(直入16强)：巴沙克舒希、韦斯咸、维拉利尔、尼斯、阿尔克马尔、佐加顿斯、施华斯堡、施洛云

小组次名(附加赛)：费伦天拿、安德列治、列治普斯纳、柏迪逊、迪尼普体育会、真特、克卢日、巴素利

欧霸小组第3名(附加赛)：波杜基林特、AEK拉亚拿卡、卢多格德斯、布拉加、舒列夫、拉素、卡拉巴克、特拉布宗