本周欧洲5大联赛上演大战，有个巧合现象，就系摩连奴执教嘅球队，全部输波，计有车路士、曼联、热刺、国米同现时执教嘅罗马，今晚轮到皇马亮相，将会作客华历简奴，唔通有危机？

上述5场波全部当地时间周日(7日)举行，先系英超早场，车路士主场0比1不敌阿仙奴，紧接上演嘅曼联作客阿士东维拉，结果曼联输1比3，压轴嘅热刺主场对利物浦，热刺输1比2，摩连奴曾经喺英超执教嘅3支球队全败。

跟住系意甲，首都打吡罗马主场对拉素，罗马後衞罗渣伊宾尼斯送礼，结果0比1败阵，尾场国米作客祖记，摩连奴曾领军赢得三冠王嘅国米，结果净吞双蛋。

欧洲5大联赛摩连奴执教嘅球队当中，依家只得皇马暂时无事，因为佢哋本周联赛要今晚先举行，将会作客华历简奴，皇马会唔会系唯一例外？