今届欧霸盃附加赛出现重量级戏码，以小组次名出线嘅曼联，抽中对撼欧联「空降」嘅巴塞隆拿，吸引程度比起欧联有过之而无不及。巴塞教练沙维喺抽签後表示，C朗拿度仍然系曼联嘅危险人物，但巴塞隆拿会以欧霸盃冠军作为目标。

对於欧霸盃抽签结果，沙维表示：「我哋再一次喺欧霸盃抽中最难应付嘅对手，曼联喺坦哈格手上进步好大，亦有好多出色嘅球员，不过巴塞球员面对强敌会更加有决心，巴塞隆拿从未赢过欧霸盃冠军，我哋会尝试去捧走冠军。」

巴塞将会面对「老对手」C朗拿度，呢位前皇马射手历来34次对巴塞，有20个入波同9次助攻，沙维亦力撑C朗仲系危险人物：「C朗不复当年勇？我心目中佢系伟大球员，佢系世界球坛一个时代嘅象徵，我觉得佢仍然系球赛嘅主宰者。」