热刺喺周六(12日)英超再度上演绝地反胜，佢哋主场3度落後情况下，最终4比3反击败列斯联，英格兰前锋哈利卡尼继续有波入，领队干地赛後大赞呢位射手「着晒火」，准备喺世界盃大展身手。

热刺今季经常先失波，今场10分钟被森马维里攻陷，哈利卡尼25分钟追平；列斯联完半场前有洛迪高建功，但51分钟热刺再由宾戴维斯扳平。76分钟洛迪高为列斯联第3次领先，不过热刺再次发挥後上威力，宾坦古亚喺81分钟同83分钟连下两城，助热刺反胜4比3完场。

哈利卡尼今季22场赛事全部正选，近10场联赛有8场入波，完全冇展现出疲态，干地赛後表示：「哈利卡尼依家着晒火咁去踢世盃，无论身体同心理都处於最高水平，我从佢双眼睇到佢嘅决心，同世界最顶尖球员竞争嘅斗志！」