C朗数臭曼联之後，唔止被红魔鬼队友疏离，而且普遍舆论都唔撑佢，但正所谓曹操都有知心友，效力曼城嘅葡萄牙中场贝拿度施华就话全力支持C朗，指葡萄牙上下都会为C朗而战，踢好今届世界盃。

贝拿度施华话：「我哋踢世界盃将会为C朗而战，唔系为自己而战，当球队拥有C朗呢种球员，自然围绕佢踢，因为佢可以喺最後几分钟帮助球队胜出，其他国家队都有类似情况，例如法国以基利安麦巴比为重心，阿根廷有美斯。」

早前有镜头影到曼联中场般奴费南迪斯喺葡萄牙国家队集训时，刻意冷淡对待C朗，反而曼联同市死敌曼城嘅贝拿度施华力撑C朗，真系估佢唔到。