由罗拔利云度夫斯基领军嘅波兰，周四(17日)出发飞去卡塔尔参加世界盃，今仗行程相当大阵仗，大军所乘客嘅航班全程由2架F-16战斗机护送！

波兰日前喺热身赛1比0击败智利後，大军周四起程去卡塔尔，今次行程采取最高规格嘅保安措施，全程由2架战斗机保护，波兰足总喺官方twitter表示：「我哋得到2架F-16战机保护，多谢2位机师！」据报波兰今次严阵以待，系因为波兰东部接壤乌克兰边境地区，周二(15日)发生导弹爆炸造成2人死亡，因此担心国家队可能会受到导弹威胁。

波兰喺今届世界盃身处C组，下周三(23日)凌晨会喺分组赛首仗对墨西哥，同组仲有沙特阿拉伯同阿根廷。