上月带领阿根廷勇夺世盃冠军嘅美斯，周三(4日)以世界冠军身份重返巴黎圣日耳门(PSG)操练，一众队友更喺训练场列队欢迎美斯回归，不过喺世盃决赛饮恨嘅基利安麦巴比，因为已经飞去美国度假，所以冇份欢迎美斯返嚟。

美斯捧盃後喺家乡罗萨里奥庆祝2个星期，周三返PSG报到兼复操，球会亦非常识做，安排球员列队欢迎「球王」归位，顾问甘波斯更向佢颁发一个小奖座，美斯当然笑逐颜开。美斯老友尼马有份列队，不过世盃亚军基利安麦巴比就缺席，算系逃过尴尬一幕。

据报PSG上场联赛输畀朗斯後，基利安麦巴比同阿舒拉夫获准放一个小假期，2人就结伴飞去美国度假。PSG下一场法国会系12号主场对昂热，美斯有1个星期时间做准备，有望候命上阵。