马德里体育会高价外借祖奥菲历斯畀车路士，赚咗一笔，依家想签新前锋补充实力，佢哋睇中喺巴塞隆拿长坐冷板嘅荷兰国脚迪比，希望喺冬窗完成交易。

转会专家Fabrizio Romano报道，马体会同巴塞近日就迪比嘅转会进行讨论，虽然暂时未达成协协议，但双方都抱开放态度，马体会想补充人脚，巴塞就希望出售球员减磅，只要达成一致，万大事有商量。

报道又指，迪比对於加盟马体会很感兴趣，并希望愈快愈好，1月转会窗完成交易，令自己可以继续喺西甲赛场一展所长。28岁嘅迪比早前出战卡塔尔世盃，为荷兰上阵5场，并於16强对美国射入1球。