日本国脚三笘薰今轮英超入靓波，佢喺对李斯特城一仗为白礼顿开纪录，近5场英超交出3入球1助攻，获奥云点名称赞系英超最超值收购。

25岁嘅三笘薰前年8月由川崎前锋转会白礼顿，据报转会费只须260万镑，首季外借到比甲圣基莱斯联，21场5入球4助攻，今季收回自用，交出18场入5球嘅极佳数据。喺卡塔尔世盃佢亦交出1个助攻，系日本打入16强嘅功臣之一。

对於三笘薰嘅表现，奥云称：「三笘薰呢个入波令人惊讶，夏兰特可能系今季最佳收购，但我认为三笘薰先系，白礼顿签佢只须260万镑，呢单交易抵到爆。」