曼联去年夏天用1亿欧元收购巴西翼锋安东尼马菲奥斯，佢喺处子战就射爆阿仙奴赢尽掌声，不过呢位巴西国脚之後愈踢愈沉，今季各项赛事只有5个入波，喺英超更加得3球0助攻，连名宿加利尼维利都忍唔住批评：「安东尼只系得1招！」

曼联左翼拉舒福特近期疯狂入球，但另一只翼安东尼就踢到冇晒影，加利尼维利表示：「呢一刻安东尼太易被人估到，佢只系得左脚扣入中间呢1招。」事实上，加利仔喺曼联上场输畀阿仙奴後，亦曾点名批评安东尼：「1亿欧元身价，老实讲我会预期得到更多，安东尼仲有好多地方要改善，依家佢就系交唔到货。」