荷甲劲旅燕豪芬今个冬天散货，加普、马杜基两位攻击球员先後被利物浦、车路士挖走，教练云尼斯达莱为填补空缺，喺转会窗结束前打算向前球会曼联埋手，希望可以借用瑞士新星艾兰加救亡。

英国《每日邮报》报道，20岁嘅艾兰加近期唔受领队坦哈格重用，甚至被另一新星加拿祖抢走上阵机会，曼联方面乐意畀佢外借争取上阵机会，消息指云尼斯达莱利用佢喺曼联嘅网络，有望借用呢位瑞典新晋国脚。

除燕豪芬之外，据报爱华顿同多蒙特都对艾兰加有兴趣，而曼联领队坦哈格就表明艾兰加仍喺佢长远组军计划之中，无意将佢卖走。艾兰加喺近2仗英联盃同英足盃，都有份後备落场。