周四(9日)凌晨德盃16强赛事，多蒙特作客2比1击败波琴晋级，前德国国脚中场安利简恩今场喺中场线远程炮轰入，不过其实佢射门力度唔大，个波足足滴咗4下先至慢慢碌入，被网民笑系「最差中场笠射」。

波琴同多蒙特今仗互有攻守，上半场补时阶段安利简恩先拔头筹，当时波琴门将冲出禁区外解围，安利简恩喺中圈附近截到，第一时间窝利抽射，虽然个波力度唔大，但由於系空门状态，个波滴地4下仍然顺利碌入。波琴喺64分钟靠12码追平，但多蒙特6分钟後由马高列奥斯攻入致胜球，赢2比1出线。

对於安利简恩嘅远程炮，网民纷纷表示：「弹咗4下地先入，可能系最差嘅中场线入波」、「呢球话你知，中圈入波唔一定系世界波」。安利简恩赛後亦表示：「其实我唔系射得好应，不过当对方球员漏咗个波，我觉得有机会射入，最後都系一个美妙入球。」