周四(9日)凌晨法足盃16强赛事，巴黎圣日耳门(PSG)作客1比2输畀马赛，提早出局。「球王」美斯今场改着10号波衫，但就惨成黑脚，佢加盟PSG後2次着10号波衫喺正式比赛上阵都输波收场。

美斯由巴塞隆拿转会PSG後，由於10号波衫已由尼马拥有，所以佢就改着30号波衫，不过法足盃规定，正选球员要着1至11号波衫，所以美斯就以10号上阵，原先10号尼马就改用11号。今仗系美斯第2次着PSG嘅10号比赛，上季法足盃对尼斯系第1次，该仗PSG喺互射12码被踢出局，估唔到今仗亦系出局收场。

马赛今仗踢得积极，31分钟就由阿历斯山齐士12码先开纪录，沙治奥拉莫斯完半场前为PSG追平，但马赛57分钟再由马利路夫斯基建功，最终PSG输1比2出局。