曼城早前被英超赛会控告超过100条财务违规罪名，罪成嘅话将面临降班等严重处分，领队哥迪奥拿亦被教埋今季就会「劈炮」。虽然「蓝月亮」有信心搞掂呢单官司，但亦为哥迪奥拿一旦离队做好准备，而头号目标就系哥迪奥拿徒弟阿迪达。

曾喺曼城做过3年助教嘅阿迪达，依家执教阿仙奴成绩仲好过哥迪奥拿，两师徒战术、踢法理念非常相似。据《Four Four Two》报道，曼城希望阿迪达可以回巢接替哥迪奥拿，报道指阿迪达喺2019年转教阿仙奴，其中一个原因系曼城未保证佢会接替哥帅，依家曼城愿意交出帅印，或者有机会打动阿迪达。

哥迪奥拿同阿迪达系争标对手，但私下感情非常之好，早前哥迪奥拿被问到点睇呢个徒弟，哥帅就话：「我唔清楚我对佢有几大影响力，但佢喺曼城做助教嘅日子，就令我成为更好嘅领队，对我做领队有好大影响。」