英国《每日邮报》指拜仁慕尼黑新帅杜曹唔满意现有阵容人脚，将於今夏重建球队，2位前英超兵成为被开刀对象，除咗将祖奥简斯路退还畀曼城之外，亦会出售仅加盟一季嘅沙迪奥文尼。

拜仁1月向曼城借用祖奥简斯路，呢位28岁葡萄牙後衞上阵19场入1球及6次助攻，表现并唔差，但由於买断费高达7,000万欧元(约6亿港元)，令拜仁却步，所以今夏借用期届满後，就会退货，有传皇马同巴塞隆拿有兴趣签入呢位「带刀侍衞」。

至於上年夏天由利物浦来投嘅沙迪奥文尼，表现一直未尽人意，踢24场德甲仅入7球，并且不时受伤，加上今届欧联8强首回合输畀曼城後，沙迪奥文尼出拳打队友利莱辛尼，令杜曹对呢位31岁塞内加尔国脚非常不满。

考虑到沙迪奥文尼年纪唔细，而且薪酬高昂，会方亦有意放走呢个大包袱，盛传车路士计划签佢