曼联周六(4日)英超1比0绝杀富咸，般奴费南迪斯入「救命波」成为曼联英雄，不过赛後迪基亚就喺佢IG留言：「你唔系合适队长！」事实上呢位西班牙门将同般奴费南迪斯劲老友，呢个留言系「反话」，讽刺坚尼、加历查等名宿讲波佬。

曼联今季成绩差劲，取代哈利马古尼做队长嘅般奴费南迪斯亦备受批评，今场佢做绝杀功臣後，迪基亚喺佢IG庆祝相度留言：「你唔系合适队长！」再加上一个「拉链封嘴」嘅emoji，示意所有批评佢唔适合做队长嘅人收声！

迪基亚呢番言论，矛头直指加历查同坚尼，曼联早前主场2连败後，利物浦名宿加历查直指般奴费南迪斯「唔应该做队长」，前曼联队长坚尼亦表示：「般奴系好有才华，但佢唔系做队长嘅材料，不断抱怨、投诉、摊大双手...实在难以接受。」