C朗今季重返曼联，佢大仔Jr当然亦跟住「转会」，2010年6月出世嘅佢，依家已经11岁半，近日网上有张佢嘅签约照片流传，佢拎住曼联7号球衣，而企佢旁边嘅10号仔，足足矮佢一个头。

报道指，C朗Jr呢次签约，系加盟曼联U12，并相信佢将来肯定会继承老窦嘅红魔7号球衣，而佢喺球队同样司职前锋。

C朗Jr自细受到老窦严格管教，接受足球训练，禁止使用手机等「电子奶嘴」，所以C朗Jr过去喺同龄小将之间都非常突出，不但身型高其他人一个头，佢嘅球技亦出众，喺祖云达斯U9时期，上阵23场攻入58球17助攻，同佢老窦一样咁劲。