周一(14日)清晨英超压轴戏，近况低迷嘅李斯特城喺补时阶段失守，主场惨被韦斯咸逼和2比2，连续5场竞赛未逢胜果。李斯特城主帅罗渣士最近成为英超「下个被炒领队」大抢手，再次失分後帅位岌岌可危，不过呢位名帅一直系曼联新帅主要目标，据报佢近来更喺曼市买新屋，似乎系将会执教曼联嘅最大线索！

据《莱斯特水星报》报导，一直系曼联新帅主要猎物嘅罗渣士，近来喺位於柴郡嘅Wilmslow买入一间豪宅，呢间新屋距离奥脱福球场只要13英里，英国传媒直指此举系佢会加盟曼联嘅最大讯号。消息指罗渣士女友住喺西北部，今次买屋亦系为咗方便住近啲女方家人，假如罗渣士被李斯特城炒鱿，自由身将更加有利曼联嘅斟介行动。