利物浦在今个冬窗以5,000万镑签入哥伦比亚美洲盃金靴路尔斯戴亚斯，这位25岁前锋迅速融入球队，并已在英超开斋，佢能够咁快适应，原来全靠罗拔图法明奴做盲公竹，两人以葡萄牙语交流，好快打成一片。

法明奴表示：「我哋两个都识葡萄牙语，方便交谈，戴亚斯系一名优秀球员，我好清楚佢有几劲，佢对球队有好大帮助。佢首次为利物浦上阵（英足盃对卡迪夫城）已经展示自己水平，佢真系帮到手，我亦会尽力帮佢适应球队。」

讲到加入咗戴亚斯，利物浦前锋线争取正选位置嘅竞争更加激烈，法明奴指出：「我哋有好多顶级球员，每人都要证明自己配得上正选位置，呢个系良性竞争，无论领队拣边11个，我都会尊重佢嘅决定，因为赢波先系最重要。」