曼城队长费兰甸奴同球队嘅合约去到今年夏天，但据闻哥迪奥拿有意同佢续约，并且赋予佢一个新职责。

36岁嘅费兰甸奴自2013年加盟「蓝月亮」，并赢过4次英超冠军，可谓球队嘅多年功臣，不过佢同曼城嘅合约去到今年6月30日就完。据外国传媒报道，领队哥迪奥拿已经同意同呢位巴西老将续约，延续佢嘅曼城生涯，并且邀请佢加入教练团，成为球员兼助教。

事实上，呢位防中球员一直深得哥帅重用，就算逐渐迈入职业生涯末段仍然任命佢为队长，而费兰甸奴嘅领袖才能亦充分系曼城阵中展现，喺4比0赢诺域治一仗赛後，哥帅更盛赞佢系「无与伦比嘅领袖」，足见费兰甸奴喺曼城阵中嘅地位。