车路士班主阿布拉莫域被英国政府制裁之後，球队波衫心口位置赞助商「3」，随即同车仔割席，取消合作，意味车路士未来赛事唔可以再着印有「3」标志嘅球衣比赛，问题系车路士并冇「纯净版球衣」存货，周日(13日)晚英超对纽卡素，车仔球员会着咩波衫上阵，备受关注。

「3」宣布取消同车路士嘅合作关系後，波衫唔可以出现「3」标志，车仔冇「纯净版球衣」情况下，可能需要用胶布遮蔽「3」标志，先至可以出场，但咁做未必符合赛会要求，依家只能希望球衣赞助商Nike提供新版球衣，问题系呢间美国体育用品巨擘都想同车仔保持距离，今次会唔会「鼎力相助」实属疑问。

不过，车仔主帅杜曹认为球队陷入困境，令球员更加团结，有信心度过难关。