利物浦主帅高普早前表明，2024年约满後就会离开球队小休，享受家庭生活，不过佢并非永远离开足球，休息一段时间後就会重执教鞭，到时佢可能会执教国家队，有德国传媒预测，高普执教英格兰机会甚高，仲高过执教德国。

德国《图片报》主编费恩迪认为，高普将来执教英格兰机会甚高，佢话：「比起担任德国主帅，佢成为英格兰领队可能性更高，我感觉到，佢喺英格兰备受球迷爱戴，佢本人亦好锺意英格兰足球，而且英格兰拥有大批世界级球员，令佢哋有可能再次夺冠。」

高普在德甲及英超时期都有出色战绩，佢先协助多蒙特两夺德甲冠军，并打入欧联决赛，之後执教利物浦又赢得英超冠军，在欧联更两度打入决赛，获得1冠1亚，可以话佢无论喺英格兰或德国，都有辉煌战绩，但讲到受欢迎程度，佢喺英格兰明显较受欢迎。