英国《镜报》日前报道，曼联曾向今夏约满嘅法国中场保罗普巴开出一份英超顶薪合约，据报总值50万镑周薪，这份报价曝光後引起曼联更衣室不满，话佢对球队无建树，又成日谈论离队，获加薪续约冇天理。

报道称，曼联为挽留普巴，曾向普巴团队开出报价，周薪40万镑，计埋其他奖金，周薪最高可达50万镑，仅次於C朗嘅45万镑，但就高於门将迪基亚嘅37.5万镑。

曼联内部人士称，如果普巴有得加薪留队，势必触发内乱，其他球员将会要求加薪：「有球员认为，佢并非经常正选出场，又不时谈论离队，有得加薪留队系好唔正常。」

虽然普巴一早表态约满即走，但球坛已经大变，皇马、祖记都唔会花费高薪签佢，反而曼联续约报价咁吸引，唔少队友都认为普巴会接受曼联条件，续约留队。