利物浦日前从些路迪签入16岁苏格兰「神童」宾杜克，据报领队高普曾亲自出口游说佢过嚟，最终「红军」更以较低出价击败列斯联等球队抢签成功。

司职翼锋嘅宾杜克，今年1月先替些路迪首次上阵，成为球会史上第二年轻「地标」嘅球员，早前佢代表苏格兰U17上阵时更大演帽子戏法，兼助球队进身欧少盃决赛周。杜克嘅潜能一直被欧洲各大豪门留意住，列斯联更曾开出比利物浦更高嘅条件吸引佢加盟，但最终呢位苏格兰「神童」仍然决定以60万镑补偿金转投「红军」，据悉领队高普更曾亲自游说，最终成功打动到佢。

日前宾杜克喺社交媒体上分享同新东家签约嘅喜悦：「期待一个新篇章」。不过按照推测，佢暂时唔会加入一队住，先踢「红军」青年军，喺青年赛事磨练一吓先。