德国《天空体育》报道，德甲班霸拜仁慕尼黑计划喺今夏作出「顶级收购」，目标直指利物浦前锋沙迪奥文尼，据报拜仁总监沙历咸美斯喺啱啱呢个周末，已经同沙迪奥文尼嘅经理人进行接触，有可能成为拜仁今夏嘅「惊喜」！

30岁嘅沙迪奥文尼同利物浦合约去到2023年完结，不过「红军」一直将注意力放喺穆罕默德沙拿嘅续约上，《天空体育》形容沙迪奥文尼同利物浦续约「出现困难」，令拜仁有机可乘。报道指沙历咸美斯上周末同沙迪奥文尼经理人接洽，表达收购嘅意欲，但两间球会仍未正式斟介。

拜仁上场联赛对史特加後，沙迪奥文尼被问到夏季转会问题，佢就作出暗示：「准备接受我哋嘅惊喜，我哋依家检视紧有乜可能性，而且有啲充满创意嘅计划！」拜仁前锋罗拔利云度夫斯基盛传将会离队，拜仁亦急需搵顶级球星顶替。