曼联球星C朗拿度出晒名身材一流，估唔到佢个囝囝亦学足老窦，唔单止踢波潜质优厚，近日更「父子档」齐齐展示美好身段，只得11岁嘅小C朗已经练出强劲胸肌同腹肌，睇到球迷流晒口水！

英国《太阳报》报道，C朗最近报名成为Cpase health club嘅会员，呢间位於柴郡嘅健身中心，月费盛惠1,020镑，C朗同囝囝日前嘅「骚肌」照片，据报就系喺健身中心内拍摄，C朗女友乔治娜亦系会员。

报道指呢间Cpase health club属「明星健身中心」，李斯特城领队罗渣士、爱华顿门将比克福特、前爱尔兰门将基云以及英格兰板球名将弗林托夫都系会员。中心内设备齐存，而且有唔少帮助恢复身体嘅先进设施，难怪C朗咁锺意。